SPORTS News —- Indi magahampang sa Gilas Pilipinas ro NBA prospect nga si Kai Sotto sa 31st Southeast Asian Games sa Hanoi, Vietnam.
Ginklaru ni Gilas Team Manager Butch Antonio nga owa it planong i-eakip ro 7-foot-3 center sa Sea Games Roster sa ulihing minuto eabi pa ag bag-o eamang natapos it anang NBL Season sa Adelaide 36ers.
Nagtuhaw ro issue sa posibleng stint ni Kai sa Sea Games kun sa siin iga-depensa it Gilas ro men’s basketball gold matapos mapabalita nga indi makahampang si big man Japeth Aguilar bangud sa injury nga naangkon kara sa PBA Governors Cup Playoffs.
Madumduman nga ginpangaeanan ni Gilas Coach Chot Reyes ro 16-man pool para sa Sea Games team nga ginaeakipan ni Aguilar, maskin nga ginhambae ni Antonio nga owa pa raya nagsumite it andang final 12-man lineup.
