Maabu nga mga Pinoy fans ro eubos nga nadismaya matapos nga owa nakasueod ro Pinoy seven-footer nga si Kai Sotto sa ginpatigayon nga 2022 NBA Draft.
Naging mainit man ro debate, aeawayan ag pagpaathag it kada opinyon it mga fans kung haum eon gid baea sa grabe nga hampang sa NBA ro center nga si Sotto.
Una kara, inabot eon it second round ro draft ag 58 mga American college players ag international players ro nakasueod apang owa sa gihapon it ginatawag nga pangaean nga Kai.
Sa pihak kara, maabu man sa gihapon ro nagatamyaw sa 20-anyos nga si Sotto bangud sa kauna-unahan nga kahigayunan magaserbi kunta nga kasaysayan ag unang homegrown Pinoy ro makasueod ag nag-ambisyong magahampang sa NBA.
Para kay Sotto masubo sigon imaw sa natabo, apang ginapasiguro nana sa anang mga Pinoy fans nga indi imaw magpundo sa anang handum nga makahampang sa NBA.
