Aminado ro sangka football coach nga ro kakueangan it pasilidad ag kagamitan ro pila sa mga rason kung ham-an nabudlayan nga makipag-compete ro national football team sa kaiping nga mga nasyon.
Sa programang Good Morning Philippines, ginpaathag ni Kyle Justin Marcelino, sangka football coach sa probinsya it Aklan ro mga dapat ubrahon agud nga ma-qualify sa world cup kapareho it FIFA.
Suno kana, kinahang-ean nga ro sangka nasyon hay may una nga football team ag nagapasakop sa mga tournament sa ginakahimtangan kara nga kontinente kapareho it Asian Cup Qualifiers.
Agud nga ma-qaulify sa World Cup, kinahang-ean nga makasueod ro koponan sa top 4.
Pila sa mga nakita nga rason ni Marcelino sa kapas-eawan it Men’s team nga makasueod sa FIFA hay ro kawad-an it player nga may eksperyensya sa paghampang sa mga daeagkuan nga kompetisyon halin sa ibang nasyon.
