Kalibo Aklan ——-Sangka kalansay it tawo ro nasapwan sa bakanteng lote sa Brgy. Unidos, Nabas.
Suno kay P/Staff Sgt. Reynanpor Prado it Nabas PNP, ginkilaea ni Lucy Remca Saji, 46-anyos ro nasambit nga skeletal remains kay Edwin Flores, sa legal nga edad, sangka habal-habal driver ag mismong care taker it nasambit nga eogta.
Ro bakanteng lote nga nakitaan sa kalansay hay maeayo sa mga panimaeay kon sa siin ginasugid nga kapin sa daywang dominggo eon nga naduea si Flores.
Ro nasambit nga skeletal remains hay subject for examination it otoridad ag ro insidente hay padayon pang ginaimbestigahan it Nabas PNP.
Nauna kara, nakabaton it impormasyon ro pulisya angot sa nakit-an nga kalansay it tawo ag sa pagpangusisa it scene of crime operatives ukon SOCO, uwa gin-eobong ro bangkay kon sa siin unang nakit-an hay ro anang bungo.
