KALIBO, Aklan — May bag-o eon nga dugang sa international flights it Kalibo International Airport (KIA) matapos ro nakataeanang paglunsar it pinakaunang Japan to Kalibo nga direct flight it sangka airline company.
Suno kay Civil Aviation Authority of the Philippines (CAAP)-Aklan Manager Engr. Eusebio Monserate, Jr., may dugang nga tatlong airline companies ro makaangkon it direct flight paagto sa paeuparan it Kalibo, kun sa siin, sambilog kara ro halin sa Narita, Japan.
Samtang, ginpahayag pa ni Engr. Monserate nga buhos eon ro mga turistang naga-agi sa paeuparan nga nagabakasyon sa isla it Boracay sa pagsueod it “ber” months.
Nagapabilin sigon nga sambilog ro KIA sa mga pinaka-masako nga paeuparan sa bilog nga nasyon nga may average nga 30 international ag siyam nga domestic flights adlaw-adlaw.
