KALIBO, Aklan–Nagapadayun ro hugut nga pagbantay it mga miyembro it Kalibo Auxiliary Police (KAP) sa mga nagapangunang daeanon it banwa para masiguro ro maayos nga daeagan it trapiko.
Ginpahayag ni KAP member Jaime De Capiz nga maabu gihapon nga mga motorista ro nakakaangkon it violation angot sa pagparking it andang behikulo.
Apisar suno kana nga sigidas ro andang pagpadumdom angot sa traffic rules, indi gihapon malikawan nga may ibang nagakalipat.
Masami sigon nga gina-isyuhan it ticket ro mga tag-ana it motorsiklo nga owa naka-parking it maayos ukon owa nagasunod sa gintaeana nga lugar.
Nagatao man sigon sanda it konsiderasyon ag warning sa unang pag-eabag.
Apang, kung masyado sigon nga arogante ro sangka traffic violator hay insigida nanda raya nga gina-isyuhan it citation ticket.
Naghinyu man raya sa mga rider nga indi pag-ilock ro andang motorsiklo eabi eon kung nakaparada raya sa espasyo nga para sa 4-wheel vehicles.
