KALIBO, Aklan–Ginkangay it pamunuan it St. John the Baptist Cathedral ro tanan nga magtambong sa andang igapatigayun nga counseling para sa mental health it mga pamatan-on sa maabot nga Marso 9.
Suno kay Fr. Tudd Belandres nga daywang ka mga Psychologist ro magatalakay angot sa mental health awareness.
Kadungan kara, gin-engganyo man nana ro mga ginikanan nga maging “observant” sa andang mga unga.
Sa oras sigon nga makitaan raya ti senyales it depression hay insigidang magdangop sa pinakamaeapit nga Simbahan ukon sa mga ahensya nga may kasayuran para sa nagakaigo nga konsultasyon.
Sa raya nga panyempo, ginakinahang-ean ro maidid nga paggiya ag pagtutok it mga ginikanan sa mga pamatan-on.
Gintaw-an man kara it punto nga ro komunikasyon hay sambilog sa pinaka-importanteng sandata agud nga malikawan ro depression.
Ginpahayag dugang nga maabu eon nga mga pamatan-on ro andang nabuligan nga maka-recover halin sa mga problema ukon kasubo nga andang ginapangatubang.
