KALIBO, Aklan—Naging inspirasyon ni Kalibo elected sangguniang bayan member Atty. Christine Dela Cruz ro pagkamatay it anang unga nga eaeaki bangud sa tumor sa pagpursige nga magpadaegan sa eleksyon.
Suno kana nga gusto kunta it anang mister nga si board member Soviet Russia Dela Cruz nga magpahuway eon sanda sa pulitika, apang gin-insister kara nga mag-eowas nga makapanerbisyo sa mga kalibonhon hay gusto man nana nga malibang ag ma-divert ro anang atensyon agud nga makalipatan ro kasakit nga anang nabatyagan sa pagkaduea it anang pinalangga nga unga may onse buean pa eamang ro nagtaliwan.
Samtang, sa oras nga makapungko sa pwesto, pila sa anang plano hay ro pagpabaskog sa pamilya, pagkaon, proteksyon ag pangabuhian.
Pagatutukan ro food suffiency program, pagtau it geriatric ward ukon center para sa mga katigueangan sa mga ospital ag ro pagtukod it kalibo youth center para sa mga CICL ukon children in conflict with the law.
Si Atty. Dela Cruz ro naga-isaeahanon nga babaye nga magapungko bilang konsehal it Kalibo rason nga igatib-ong sigon kara ro kamaeayran it kababayin-an.
