KALIBO, Aklan–Haum eon ro banwa it kalibo nga magpatuman it “no-contact apprehension policy”.
Raya ro ginpahayag ni sangguniang bayan member matt aaron guzman nga imaw ro chairman it committee on transportation.
Suno kana nga sa idaeum it “no-contact apprehension policy”, magagamit eon lang it closed circuit television cameras ukon CCTVs sa pagdakop it mga pasaway nga motorista nga imaw ro magaserbing baeasihan ag ebidensiya kontra sa mga madakpan nga naga-eabag.
Para sa hugut nga implementasyon it nasambit nga polisiya, plano it lokal nga gobyerno nga dugangan pa ro andang CCTVs sa mga nagapangunang karsadahon.
Sa makaron hay may una pa eamang nga 180 nga cameras nga nakapwesto sa nagkaeain-eain nga lugar.
Raya ro kabangdanan kon ham-an nga gin-impritahan it body number sa ibabaw it mga registered franchise tricycles para sa madali nga identification.
Gindugang pa it konsehal nga antes ro pandemya hay nakipagpueong sanda sa mga operators agud nga iplastar ro sueundanan, kun sa siin mag-eowas sa driver hay paga-obligahon man ro mga operators nga magbayad it multa sa mahimo nga violation.
Sa makomiter nga tatlong sunod-sunod nga major offense, otomatikong pagakanselahon ro prangkisa.
