KALIBO, Aklan—Ginpasiguro ni Civil Avaition Authority of the Philippines ukon CAAP-Aklan Manager Engr. Eusebio Monserate Jr. nga haum eon ro Kalibo International Airpot sa pagbatun it mabahoe nga numero it mga pasahero.
Suno kay Monserate nga preparado eun ro nasambitan nga paeuparan engkasong pagapasugtan it provincial government ro pagpasueod it mga international flights.
Sa makarun suno kana hay ro Domestic passenger terminal biulding eamang ro andang ginagamit apang engkasong magbalik eun sa normal ro operasyon andang pagabuksan ro International passenger terminal building.
Magapabilin man ro proseso sa pagsueod sa paeuparan kung sa siin may gintaeana nga holding area agud ma-check ro nagakaigong dokumento it mga pasahero sa pagpanguna it Provincial Disaster Risk Reduction Management Council (PDRRMC) ag Department of Tourism ukon DOT.
Nasayuran nga puro mga Locally stranded individuals (LSIs), Authorized Person Outside the Residence (APOR) ag Returning Overseas Filipinos (ROFs) eamang ro ginapasugtan nga magsakay sa mga paeuparan.
Naga-average man sa 60 to 70 nga mga pasahero ro sakay it sangka eroplano.
Sa makarun hay may unang daywa hasta tatlong ka mga flight eamang kada adlaw sa nasambitan nga paeuparan.
