Ginpanugyan ni Atty. Harry Sucgang nga dapat makaangkon it hinun-anon sa tunga it provincial government, airline companies ag ni Mr. Ramon Ang, ro nagadumaea it Godofredo P. Ramos Airport sa Caticlan, Malay.
Raya hay kasunod it ginapangatubang nga krisis sa Kalibo International Airport bangud nga limitado eamang sa limang k flights kada adlaw ro nagahugpa sa nasambit nga paeoparan.
Samtang, sa Caticlan Airport hay nagaabot sanda it 35 flights sa sueod it sang adlaw hasta nga naging 42-45 flights a day sa kasagsagan it selebrasyon it Paskwa hasta ko Bag-ong Dag-on.
Ginpahayag dugang ni Atty. Sucgang nga ro mga pasahero hay nagapili it barato nga pamasahe apang maayos nga serbisyo rason nga dapat panabaan ro taripa sa Kalibo Aiport agud nga madivert ro byahe it mga pasaharo.
Mag-eowas kara, dapat ilimit man ro mga nagahugpa nga eroplano sa Caticlan Aiport agud nga mabalanse ro ekonomiya it probinsya it Aklan.
Madumduman nga nagapanghayhay eon ro mga negosyante sa palibot it KIA bangud sa kawad-an kita tuga it kawad-an man it mga pasahero nga nagaagi sa nasambit nga paeoparan
