KALIBO, Aklan—Nakataeana nga ipaidaeom sa lockdown ro Kalibo International Airport sa maabot nga Martes hasta Huwebes it masunod nga dominggo.
Raya hay matapos nga makalista it daywang panibag-ong kaso it Coronavirus Disease 2019 ukon COVID-19 sa ginpatigayun nga mass testing sa pagpanguna it Provincial Health Office (PHO)-Aklan ko nagtaliwan dominggo sa tanan nga empleyado it paeuparan.
Suno kay Civil Aviation Authority of the Philippines (CAAP)-Aklan Manager Engr. Eusebio Monserate Jr., ginakaeakipan raya it sambilog nga babayeng facility cleaner ag sangka eaeaking contracted guide nga parehong asymptomatic.
Haeos kompleto eon man sigon ro resulta it kapin sa 645 nga empleyadong ginpaidaeom sa RT-PCR test.
May kaangtanan kara, nagpatawag sigon it urgent meeting ko nagtaliwan nga adlaw it Biyernes si Engr. Monserate agud nga matalakay ro mga tikang nga pagahimuon.
Sa nasambit nga pueong hay nakasugtanan ro pagpaidaeom it lockdown agud mataw-an it daean ro disinfection sa bilog nga paeuparan ag malikawan ro pagkalhit pa it deadly virus.
