KALIBO, Aklan – – – Positibo ro pagbaton ni Kalibo International Airport (KIA) Manager Efren Nagrama sa gina rekomendar it inter-agency task force kay Pangueong Rodrigo Duterte nga makaangkon it “maximum of one year” nga pagsara ro isla it Boracay.
Apisar nga makaangkon suno kana it “temporary effect” engkaso nga batunon it presidente ro rekomendasyon, nagapati si Nagrama nga mas maabong turista pa ro maga padueong sa Boracay sa oras nga buksan raya kasunod it rehabilitation efforts.
Samtang, sa bahin it Civil Aviation Authority of the Philippines (CAAP) Kalibo, ro pagpasara sigon sa isla hay sangka mabahoe nga oportunidad kanda bangud sa paga panipuslan nanda ro kahigayunan agud matapos ro gina patigayun nga improvement ag upgrading sa pasilidad it KIA.
Gin hayag man ni Nagrama nga may kasayuran sanda sa programa it tourism department bangud sa katuwang sigon kara ro CAAP sa gina himo nandang tourism campaign sa magkaeain-eain nga tourist destinations sa nasyun.
Gina eauman man ni Nagrama nga kapin sa 90 porsiento it mga turista nga naga padueong sa Boracay ro maduea sa KIA kun sa siin kapin sa 33 international flights ro naga landing kada adlaw sa nasambitan nga paeuparan.
