KALIBO, Aklan—Uman nga nakalista it 11 ka mga panibag-ong kaso it Coronavirus Disease 2019 (COVID-19) ro Kalibo International Airport (KIA) matapos ro ginpatigayon nga mass testing gamit ro Reverse Transcription Polymerase Chain Reaction ukon RT-PCR test.
Suno kay Engr. Eusebio Monserate Jr., manager it Civil Aviation Authority of the Philippines (CAAP)-Aklan nga kaabuan sa nga nakaangkon it nasambitan nga sakit hay mga utility personnel it paeuparan.
Ginapahayag dugang nga asymptomatic ro tanan nga mga pasyente ag presenteng naka-isolate para sa mandatory 14-day quarantine./
Madumduman nga ginpaidaeum sa mass testing ro kapin sa 645 nga mga empleyado it paeuparan ko Huwebes ag Biyernes matapos magpositibo sa deadly virus ro siyam nga naunang empleyado nga kaabuan hay miyembro it firefighting unit.
Sa makarun hay ginahueat pa ro ibang test result ag ginaeauman man kara nga indi eun madugangan pa ro mga nagpositibo sa sakit.
Ginpasiguro pa kara nga indi makaapekto sa operasyon it paeuparan ro hitabo. Samtang padayun man nga gina-usisa it Provincial Health Office kung siin nabo-oe it mga empleyado ro sakit.
