Maga-angkon sigon it separado nga kita ro banwa it Kalibo ag magadugang it sambilog nga congressman kung matigayon nga maging siyudad ro nasambit nga banwa.
Raya ro pahayag ni SB Member Ronald Marte.
Suno kana nga ginaeauman nga ro pagiging siyudad hay magapabaskog sa turismo it banwa nga sambilog nga ginabue-an it kita.
Nasayuran nga ro ginasueong nga bill ni Congressman Carlito Samson Marquez hay una eun sa second reading ag manami sigon kung maaprubahan eun it lower house.
Ro nasambit suno kana nga tikang hay magatao man it daean maskin nga may kueang pa nga requirements ukon criteria ro capital town apang may posibilidad gihapon nga maging siyudad.
Dugang pa nagpakita man it suporta si Pangueong Ferdinand Marcos kat nagbisita imaw iya sa Aklan kung siin nga gintawag eun nana ro banwa it Kalibo bilang “Kalibo City.”
Nasayuran nga si Mayor Juris B. Sucro ro lead convenor it nasambit nga plano ukon proyekto nga nagpatigaypon it meeting ku Setyembre 2 kaibahan ro 27 ibang banwa.
Gapangayo man it suporta ag kooperasyon si SB Member Marte para sa padayon nga pag-uswag it Kalibo.
