Nagpaabot it simpatiya sa pamilya Ambay si Kalibo mayor Emerson Lachica kasunod sa makangiedlis nga kamatayon ni Bonna Hercia Ambay kon siin brutal raya nga pinatay it on duty guard nga si Mark Archie Torrefeil nga presente eon nga nakakulong sa Kalibo PNP station matapos nga maaresto sa ginpatigayon nga manhunt operation it gintingob nga pwersa it nagkaeain-eain nga law enforcement agency sa Brgy. Pinagbuhatan, Pasig City.
Suno sa alkalde, ro lokal nga gobyerno it Kalibo hay personal man nga magapaabot it bulig sa pamilya it biktima.
Samtang, ginpanginbulahan man kara ro Kalibo PNP station sa madasig nga pagkaaresto it suspek para mataw-an it hustisya ro hinali nga kamatayon it manager-relieve it RD pawnshop Mabini St. Kalibo branch.
Nagpanawagan man raya sa mga business establishment owner nga magdoble dahan maskin nga may mga on duty guard kamana man maging leksyon raya sa mga ginahire nga empleyado.