-- ADVERTISEMENT --
KALIBO, Aklan—Ginpasaeamatan ni Kalibo Mayor Emerson Lachica ro National Irrigation Administration (NIA) sa madasig nga aksyon kara sa anang apela nga matubian ro mga irrigation canal sa mga kaeanasan nga sakop it Kalibo.
Suno kana nga ko Agosto 11 hay nagpadaea imaw it sueat sa pamunuan it NIA para sa nasambit nga hinyu.
Raya hay kasunod it panawagan it mga mangunguma bangud sa pagkabaeaka nga masamad ro andang mga tanum nga paeay sa kawad-an it tubi sa irigasyon.
Temporaryong ginsarado ro irigasyon agud nga mataw-an it daean ro pagkaa-ayad pinaagi sa pagbutang it sluice ag intake gate sa dam.
