KALIBO, Aklan—Gin-aprubahan eun it sangguniang bayan ukon SB-Kalibo ro hinyo ni Kalibo mayor Emerson Lachica nga taw-an imaw it “authority to negotiate” angot sa plano it lokal nga gobyerno nga makipagnegosyar sa sangka funeral homes agud nga makapatindog it kaugalingon nga crematorium facility sa nasambitan nga banwa.
Raya hay matapos nga suspendihon it nagaisaeahanon nga crematorium facilitiy sa siyudad it Iloilo nga ginadaehan it mga nagakamatay bangud sa covid sa bilog nga isla it Panay ro pagbatun it mga cadaver bangud sa punuan eun raya ag indi eun makasarang ro andang makina.
Suno kay Pook Barangay Kapitan ag Liga ng mga Barangay President Ronald Marte nga nagapadayun eun ro ginahimo nga negosasyon ni Kalibo Mayor Lachica sa mga punerarya partikular nga naka-istorya eun kara ro sangka opisyal it dating sampaton ukon makarun hay san fernando.
Intresado man sigon si Mr. Sonny Beltran nga tag-iya man it punerarya nga magpatindog it crematorium facility.
