KALIBO, Aklan–Nagpaguwa it Executive Order si Kalibo Mayor Emerson Lachica angot sa mga regulasyon nga igapatuman sa nagahieapit nga holiday season ag selebrasyon it Ati-atihan Festival.
Base sa EO No.88 series of 2020, ginamando it ehikutibo ro pag-implentar it hugot nga pagsinoeundan para sa kaeuwasan it publiko.
Raya sa gihapon hay may kaangtanan sa ginapangatubang nga pandemya it nasyon tuga it coronavirus disease ukon COVID-19.
Klaro man kara nga videoshooting eun lang ro matabo sa adlaw it mismong Ati-atihan nga pagahiwaton sa Magsaysay Park.
Maga-abot sa tatlong adlaw ro pag shoot it video ag iga-schedule ro tanan nga mga tribu nga dapat hay may una eamang nga 10 ka miyembro nga magapartisipar.
Magiging sarado man ro lugar sa adlaw it pag-shoot agud masiguro nga maipatuman ro physical distancing.
Samtang, mapamantaw man raya it publiko pamaagi sa nagkaeain eain nga social media platforms.
