KALIBO, Aklan—Presenteng naka-self isolate si Kalibo Mayor Emerson Lachica.
Raya hay matapos nga magpositibo sa Coronavirus Disease 2019 ukon COVID-19 ro sangka eaeaking staff it munisipyo.
Suno kay Mayor Lachica nga ginpili nanang magself-isolate bangud nga senior citizen eun raya ag agud nga masiguro ro kaeuwasan it tanan.
Ina kara, nagpositbo sa COVID-19 ro sangka staff it munisipyo nga kung amat hay nagaduty sa opisina it Municipal Disaster Risk Reduction and Management Office ukon MDRRMO.
Kat nagpatigayon it swab testing sa mga tawuhan it MDRRMO hay nagguwa nga nagpositibo raya sa makamaeatay nga virus.
Mag-euwas kana hay negatibo man sa sakit ro iba pang kaibahan kara sa opisina.
Ro iba pang nakaangkon it close contact sa pasyente hay ginpaidaeum sa 14 days nga quarantine samtang ginahueat ro resulta it ginpatigayon nga swab testing.
Sa makarun hay ro mga importanteng papeles eamang sigon eamang ro ginabatun it alkalde ag ginmando eun man kara ro pagpatigayon it disinfection sa munisipyo.
