-- ADVERTISEMENT --
Kalibo, Aklan-Ginkumpirma it political officer ni Kalibo Mayor Juris Sucro nga uman raya nga magapadaeagan bilang mayor sa 2025 midterm elections.
Suno sa Barangay Affairs Head it LGU-Kalibo ag nagatindog man nga political officer it alkalde nga si Mark Sy, magapadaeagan para sa reelection si Mayor Sucro para sa anang ikaywang termino.
Ginasugid nga gusto it alkalde nga padayunon ro anang pagserbisyo sa mga pumueuyu it Kalibo kaysa nga magsaka sa mas mataas nga posisyon.
Dugang pa nga medyu malabo eon nga matabu ro mga espekulasyon nga magasabak imaw bilang kongresista sa unang distrito it probinsiya bangud nga atrasado eon sa oras it pagpahaum ag makinarya.
