KALIBO,Aklan — Gindomina it Kalibo Municipal Police Station ro rank number 1 sa magkasunod nga tatlong buean sa Unit Performance Evaluation Rating (UPER) sa parehong Operational and Administrative Accomplishments it municipal police station sa bilog nga probinsya it Aklan.
Angot kara, eubus nga ginkalipay ni PLt.Col. Ricky Bontogon, hepe it Kalibo PNP Station nga nagpanguna sanda sa sueod it tatlong buean kon sa siin raya hay resulta it andang maid-id nga trabaho ag dedikasyon sa pagserbisyo.
Kada buean suno kana hay may ginapatigayon nga evaluation ro Aklan Police Provincial Office ukon APPO kon sa siin sanda ro nagpanguna sa buean it Abril hasta it Hunyo 2023.
Bukon eamang sigon it performance nanda ro ginaevaluate kada buean kundi maging ro accomplishment it nana nga section ag division it andang taeatapan.
Angot kara, ginpasaeamatan man nanda ro mga pumueoyo sa aktibong suporta kanda sa tanan nga programa ag mga polisiya nga ginaimplementar it Kalibo PNP Station.
Ginpasiguro man nana nga pagadoblehon pa gid nanda ro andang effort sa pagmaintain it peace and order sa bilog nga banwa it Kalibo
