KALIBO, Aklan—Sa kaunahan-unahan nga kahigayunan hay nag-organisa it paindis-indis ro opisina it Kalibo Municipal Tourism Office nga ginatawag nga “Kabueakan Project” bilang pagtao it suporta sa mga flower shop owners kamana man nga maipromote ro local tourism sa banwa it kalibo.
Suno kay Miss Cherry Mae Regalado, reigning Miss Kalibo Ati-atihan 2021 ag ro ambassador sa pag-promote it turismo sa nasambitan nga banwa nga mabahoe rayang bulig para sa mga flower shop owners agud nga maka-engganyo sa gihapon it mga manugbakae sa pihak it haeos kanselado nga aktibidad makarun tuga it covid- 9 pandemic kaibahan eun ro Flores de Mayo nga makabig nga “peak season” para kanda.
Nasayuran nga agud nga makapartisipar kinahangean eamang nga magpakita it pamatuod nga naga-operate ro andang stall ag owa man it pagabayaran para magparehistro kara.
Kinahangean man nga ro mga flower arrangement hay maghalin ukon makit-an gid sa anda mismong banwa.
Iga-judge raya sa sueod it daywang dominggo ag dapat nga ma-sustain ro kanami it mga bueak nga naka-display.
Nasayuran nga ro first winner hay magabatun it 20,000 pesos nga cash, 15,000 pesos para sa second winner ag 10,000 pesos man para third winner.
Samtang, ginpahayag man ni Miss Cherry Mae Regalado, reigning Miss Kalibo Ati-atihan 2021 ag ro ambassador it pagpromote it Local tourism nga padayun man ro andang pag-promote it mga lugar, local establishment, ag cultural and heritage it banwa.
Ro “Warang sa Kalibo” hay sambilog man sa mga tikang agud nga maipakilaea ro mga establisiyemento lokal nga mabahoe nga naapektuhan it pandemya.
Nagapatigayon eamang sanda it photoshoot ag gina-upload ro mga nabo-oe nga litrato sa tanan nga facebook page it LGU-Kalibo.
