Kalibo Aklan ——-Ginpasiguro it Kalibo PNP nga haom eon sanda para sa pagbantay sa nagahieapit nga Simbang Gabi nga maga-umpisa sa Disyembre 15.
Suno kay Police Major Bellshazar Villanoche, hepe it Kalibo PNP nga mas pa nandang pagapabaskugon ro andang pagbantay sa bilog nga tyempo it holiday season agud nga masigurong euwas ro selebrasyon it Paskwa ag Bag-ong dag-on.
Nasayuran nga nagpagguwa eon it Executive Order sa banwa it Kalibo angot sa pag-adjust it curfew hour kung siin maga-umpisa eon it alas-9 it gabi-i hasta alas-3 it agahon umpisa Disyembre 15 agud nga mataw-an it kahigayunan ro mga manugsilimba nga makatambong it misa.
Dugang pa kara nga padayun nga nakatutok ro mga kapulisan sa pagpasiguro nga owa it maga-eabag sa mga minimum health protocols rason nga mas pa nandang ginapabaskog ro andang kampanya sa Oplan Sita.
Samtang, pag-abot sigon sa contact tracing hay naka-alalay man ro mga otoridad agud nga makabulig sa iba pang frontliners.
