KALIBO, Aklan—Uman nga ginpunto it mga katapo it otoridad ro hugot nga pagpatuman it executive order nga ginpaguwa ni Aklan governor Florencio Miraflores kung sa siin ginalimitahan ro operasyon it mga establisiyemento komersiyal umpisa alas 6:00 it agahon hasta alas 4:00 sa hapon.
Suno kay P/Lt. Col Belshazzar Villanoche hepe it Kalibo municipal police station nga umpisang nagpaguwa it EO ro ama it probinsiya hay sigidas man ro pagpatigayon it patrolya it mga katapo it kapulisan agud nga ma-impormaran dugang ro publiko.
Sa pihak kara, may tig pila pa sa gihapon nga naga-eabag kara ag a nakabatun it warning samtang ro iba man hay gin-isyuhan pa it citation ticket.
Sa makarun hay nagapabilin pa sa idaeum it Modified Enhanced community quarantine ukon MECQ ro probinsiya.
Samtang ginpahayag man ni Villanoche nga maabo sa gihapon ro naga-eabag sa curfew ag pilang ka mga health protocol nga ginapatuman agud nga makontrol ro pagkalhit it virus nga covid-19.
May mga pasaway man nga nagbayad pa it kapin sa 2,500 pesos bilang penalidad.
