KALIBO, Aklan–Nagpatigayun it Bike for a Cause ro Kalibo Municipal Police Station.
Ro nasambit nga programa hay kaparte it “padyak for a cause” nga ginpasakupan it mga PNP personnel ag pilang indibidwal.
Ginpahayag ni Police Lieutenant Aubrey Ayon it Kalibo Municipal Police Station, kapin sa 170 ro nagpartisipar sa andang gin-organisa nga aktibidad.
Raya sigon hay kaparte it andang pagpahaum para sa matawhay ag euwas nga 2022 national and local elections.
Ro proceeds sigon halin sa P100 nga registration fee hay igatao nanda sa mga biktima it Violence Against Women and their Children (VAWC) ag Child In-Conflict with the Law (CICL).
Ginpahayag pa it opisyal nga naging maayos ro aktibidad ag nagaeaum sanda nga maabu pa ro ma-engganyo nga magpasakop.
