KALIBO, Aklan–Ginpasiguro it Kalibo Municipal Police Station nga haum sanda sa pagtao it seguridad kasunod it pag-umpisa it Simbang Gabi.
Suno kay Police Lieutenant Aubrey Ayon, Deputy Chief of Police for Operation it Kalibo Municipal Police Station nga nagplastar sanda it “Ligtas Paskuhan Command Post” sa mga daeagkuan nga simbahan partikular ro St. John the Baptis Cathedral ag St. Jude Thaddeus Church.
Ginakaeakipan sigon raya it mga katapo it Kalibo PNP, Bureau of Fire Protection, MDRRRMO ag BPAT.
Samtang, may mga ginplastar man sigon sanda nga police assistance desk sa iba pang mga simbahan nga nagapatigayun it Simbang Gabi.
Tuyo kara nga masiguro ro katawhayan ag kaayusan sa kabilugan nga selebrasyon it Kapskwahan makaron nga dag-on kadungan it paghaeuga it mga restriction.
Ginpahayag dugang nga ginaeauman eon nanda ro pagbuhos it mga pumueoyo sa mga Simbahan rason nga hugut sandang magabantay.
Sa pihak kara, owa sanda it igapatuman nga road closure ukon reblocking.
