KALIBO, Aklan—Padayun ro ginahimo nga imbestigasyon it Kalibo Municipal Police Station sa pagbaril patay it motorcycle riding suspects sa 31 anyos nga si Julius Cuesta it Brgy. Tambak, New Washington.
Suno kay P/Major Willian Aguirre, deputy chief of police it Kalibo PNP nga mag-eowas sa cellphone it biktima hay gina-usisa man nanda ro ginturn over nga bala it 45 kalibre nga baril kamana man ro pagtipon sa pahayag it mga testigo.
Samtang, sa resulta it post mortem examination, ro ginkamatay it biktima hay tuga it head injury halin sa tama it bala.
Owa man sigon it may narekober nga slug rason nga mabudlay nga matumod kon anong klase it baril ro gingamit sa krimen.
Gindugang pa ni P/Major Aguirre nga nagpaguwa sanda it still images it mga motorcycle riding suspects agud nga engkaso nga matumod ro identity it mga raya hay pwede sandang mapasakaan it kasong murder.
Sa pihak nga parte, may iba pang anggulo nga ginatan-aw ro mga otoridad sa krimen nga natabu.
Raya hay bangud sa pagpati nga masyadong manabaw ro motibo nga work related sa pagpatay kay Cuesta bilang credit investigator ag collector it mga delinquent accounts.
