KALIBO, Aklan—Sigidas ro ginapatigayon nga inspeksyon it mga katapo it Kalibo PNP sa tanan nga mga pribado ag pampublikong sementeryo sa banwa it Kalibo.
Suno kay P/Maj Bellshazzar Villanoche, hepe it Kalibo PNP nga raya hay bangud magasarado eun umpisa sa Oktobre 29 hasta Nobyembre 4 ro tanan nga mga sementeryo sa nasambitan nga banwa.
May kaangtanan kara, andang gina-engganyo ro publiko nga magbisita it mas timprano sa andang pamilya nga nagtaliwa eun.
Kinahangean eamang nga mag-obserba it social distancing agud malikawan ro pagdueotdutan it mga tawo.
Samtang, hasta eamang sa 30 porsyento it kapasidad ro pagapasugtan nga makasueod sa kada sementeryo.
Owa man it igapatuman nga age restriction sa pagpadueong sa sementeryo apang ro tanan hay ginaeaygayan nga magsuksok it face mask ag face shield.
