KALIBO, Aklan—Posibleng pagaduea-on eon ro anggulong pagpanakaw sa pagpatay sa 24 anyos nga branch manager it sangka panwnshop sa banwa it Kalibo.
Raya hay matapos nga kumpirmahon it mga empleyado it pawnshop sa Bombo news team nga owa it naduea nga alahas ukon kwarta sa nasambit nga branch it kompaniya.
Sa pihak kara, nagpamalibad anay ro management nga magtau it anuman nga pahayag angot sa natabu nga insidente.
Suno kay P/Lt. Aubrey Ayon, deputy chief of police it Kalibo municipal police station nga nagatrabaho bilang reliever branch manager ro biktima.
Ro natumod sigon nga person of interest hay ro mismong gwardya it establisyimento nga si Archie Torrefiel it Brgy. Calimbajan, Makato.
Sa pihak nga parte, nakitaan sigon raya it kapin sa tatlong nina sa eawas partikular sa anang dughan ag alima nga makabig nga defense wound.
Ginpaidaeum eon man sa post mortem examination ro empleyado agud nga matumod ro kabangdanan it anang pagkamatay.
Apang ginadudahan nga kahapon pa raya ginbawian it anang hueam nga kabuhi.
May narekober nga kutsilyo sa crime scene apang indi pa mahambae kon rato ro gingamit sa krimen.
Nasayuran nga naka-kandado ro nasambit nga establisimento.
Aa makaron hay padayun pa ro pag-review sa CCTV footage agud nga makabulig sa imbestigasyon.
