Gintaw-an it pagkilaea it The Manila Times ro banwa it Kalibo bilang sambilog sa mga PH Models Cities and Municipalities.
Pahayag ni Jay’Ar Arante, Head it Media Team it LGU Kalibo nga raya man hay bangud sa pagdumaea it alkalde nga si Mayor Juris Sucro sa banwa.
Ro award sigon hay nagabase sa kun man-o kanami ro serbisyo ku LGU sa tawo.
Ginamonitor man it DILG ro mga serbisyo ag trabaho it mga departamento sa LGU ngani nga bangud nga raya hay private organization raya hay ginmonitor ag may ginpasa nga mga dokumento ro LGU.
Ginbaton man nanday SB Member Atty. Christine Dela Cruz ag Ronald Marte ro pagkilaea para sa banwa.
Raya sigon hay mahimo magtao it manami nga feedback sa presenteng alkalde.
Plano man sigon ni Mayor Sucro nga magpailihir it uman sa parehong posisyon.
Sa makaron masako imaw, bangud sa katatapos eamang nga LGU Kalibo Sportsfest 2024 ag iba pang ginapahauman nga aktibidades.
Samtang, kasunod man it nasambitan nga pagkilaea gin-anunsyo man it alkalde sa anang facebook page ro pagiging nominado it banwa sa PCCI para sa award nga Most Business-Friendly Municipality 2024.
Sa pihak nga parte, masako man ro LGU Kalibo sa preparasyon it nagahilapit nga Opening Salvo para sa Kalibo Sr. Sto. Nino Ati-atihan Festival 2025 nga hiwaton sa Oktubre.
Dugang ni Arante, nga may bisita man nga ginpreparar ro LGU Kalibo para sa nasambit nga aktibidad.
