KALIBO, Aklan–Ginpasiguro ni Kalibo Sangguniang Bayan member Raymar Rebaldo ro pagtutok sa pilang ka mga programa it lokal nga gobyerno para makabulig sa mga pumueoyo.
Pila sa mga gustong ayuson ni Rebaldo hay ro proseso sa pagbuoe it franchise it mga TODA operator kung siin gusto nana raya nga himuon nga limang dag-on ag bue-on ro ibang baeayran kapareho it body number ag sticker.
Mag-euwas kara, pagatutukan man sigon nana ro programa para sa mga senior citizen partikular ro social pension.
Natueopangdan sigon nga maabu nga senior citizen ro nagareklamo matapos nga makakas sa listahan bangud sa pagiging bukon it kwalipikado.
Tuyo sigon nana nga makaangkon it tamang pagdumaea sa gobyerno ag malikawan ro pagpamintaha it mga nakapungko sa pwesto.
Ginpasiguro man kara ro anang bilog nga suporta sa mga programa sa idaeom it pagdumaea ni Mayor Juris Bautista-Sucro kamana man ro tampad nga pagserbisyo publiko.
