KALIBO, Aklan—Nagpasa it sangka resolution si Sangguniang Bayan member Augusto Tolentino nga nagahinyu nga pasugtan ro pagpadaea it representante it mga indigent senior citizen sa banwa it Kalibo nga magabaton it social pension sa maabot nga Oktobre 21 hasta 24.
Suno kay Tolentino, raya hay bilang suporta sa pronouncement it Department of Social Welfare and Development (DSWD) ko nagtaliwan nga adlaw.
Buot hambaeon kara, magapadaea eon lang it representante ukon miyembro it pamilya ro mga senior citizen nga kaparte it programa para makalikaw sa paeag it COVID-19 pandemic.
Base sa naga-iral nga patakaran, hugut nga ginabawaean ro mga senior citizen partikular ro naga-edad 65-anyos pataas nga makagguwa it andang panimaeay bangud sa pandemya.
Samtang, nauna eon nga gin-anunsyo it opisyal ro schedule ag oras it kada barangay sa Kalibo para sa social pension payout.
