KALIBO, Aklan—Ginpasiguro ni Kalibo Sangguniang Bayan member Augusto Tolentino nga maga-ubra imaw it resolution para maipaabot sa Department of Transportation (DOTr) ro problema it mga miyembro it NAPOCACIA.
Suno sa opisyal, natueopangdan nana ro kalisod it mga ordinaryong mangunguma nga hasta makaron hay owa pa nakabaton it kabayaran sa andang nadaeasa nga eugta sa expansion project it Kalibo International Airport.
Dapat sigon nga mabuligan it gobyerno probinsyal ro NAPOCACIA para ma-solbar eon ro kabuhay eon nandang problema.
Ginbulgar pa ni Tolentino nga may kwarta eon nga ginpdaea para kara nga nagabalor it P700 million.
Nagapati imaw nga kinahang-ean nga pungkuan eon raya para matapos eon ro kalbaryo nga kabuhay eon nga gina-antus it mga owa nabayarang land owners.
