KALIBO, Aklan—Nagdihon it sangka resolusyon si Sangguniang Bayan Member Augusto Tolentino nga naka-address kay Director Maria Emelyn Macapobre, regional director it Department of Social Welfare and Development (DSWD) nga nagatuyong mag-apela nga mapadasig ro pagrelease it quarterly nga social pension it mga senior citizen sa banwa it Kalibo.
Suno kay Tolentino nga hugot imaw nga naga-apela sa DSWD nga maitao it madasig ro kwarta nga nakataeana para kanda maghalin sa gobyerno.
Nasayuran nga haeos tatlong buean eun nga owa nakabatun it andang pension ro mga senior citizen nga nagabalor kunta it P1,500.
Madumduman nga ko nagtaliwan ngadag-on hay maabo man ro nagareklamo nga mga senior citizen bangud sa mabuhay nga pag-release it andang social pension.
