KALIBO, Aklan—Nagdihon it sangka resolusyon si Kalibo Sangguniang Bayan member Augusto Tolentino agud nga iga-alokar ro 1 percent it budget it lokal nga gobyerno para sa mga Persons with Disabilities (PWD’s) ag senior citizens.
Samtang, pagapataasan man sa 4,000 pesos ro assistance para sa mga indigent nga owa it may ginabaton nga iba pang pension maghalin sa pribado ukon pampublikong sektor.
Mag-euwas kara, makabatun man ro naga-edad it 100 years old it kapin sa 10, 000 pesos maghalin sa LGU.
Raya hay mag-euwas pa sa 100,000 maghalin sa national government ag plaque of recognition.
Samtang ginklaro man ni SB Tolentino nga ro mga senior citizen nga makagamit eamang it 100 kwh panaba sa andang suplay it kuryente hay may makabatun it 5 percent nga discount sa pagabayaran nga bill.
Kung sa tubi man hay dapat nga indi magsobra sa 30 cubic meter agud nga makabatun it 5 percent discount.
Kinahangean man nga nakapangaean sa sangka senior citizen ro nasambitan nga bill.
Samtang, aprubado man ro sangka resolusyon nga anang ginproponer nga nagatuyong mataw-an it sambilog nga loptop ag printer ro kada opisina it senior citizen sa kada barangay sa nasambitan nga banwa.
