Kalibo SB member Tolentino, nagpasa it resolution angot sa pag-alokar it supplemental budget para sa pag-repair it mga samad nga traffic lights

KALIBO, Aklan—Gin-aprubahan sa ginpatigayun nga session it Sangguniang Bayan it Kalibo ro ginproponer nga resolution ni SB member Augusto Tolentino angot sa pag-alokar it supplemental budget para sa pag-repair it mga samad nga traffic lights sa pilang kalye it Kalibo.

Tuyo sigon kara nga mausayan raya it pondo bangud nauna eon nga ginpaathag it Municipal Planning Development Office (MPDO) nga owa raya nakasueod sa andang budget makaron nga dag-on.

Nagapati ro mga opisyal nga kinahang-ean nga perming naga-function ro mga traffic lights para masiguro ro maayos nga daeagan it trapiko.

Mabahoe sigon raya nga bulig para maging organisado ro mga naga-agi nga motorista ag malikawan ro pilang ka mga aberya sa karsada.