KALIBO, Aklan—Gin-aprubahan sa ginpatigayun nga session it Sangguniang Bayan it Kalibo ro ginpasa nga sangka draft resolution ni SB member Augusto Tolentino angot sa hinyu kara sa Land Transportation Franchising and Regulatory Board (LTFRB) ag Department of Transportation (DOTr) nga maeakip ro mga tricycle driver sa Kalibo sa pagataw-an it fuel subsidy.
Raya hay kasunod it sigidas nga pagsipa it presyo it produktong petrolyo sa nasyon bangud sa kinagamo sa tunga it Russia ag Ukraine.
Nagapati si Tolentino nga mabahoe ro maibulig kara sa mga driver it tricycle bangud sambilog ro sektor sa naapektuhan it mataas nga presyo it gasolina.
Nasayuran nga naga-abot sa P2.5 billion ro alokasyon nga igataeana it DOTr ag LTFRB para sa 377,000 qualified PUV drivers nga naga-operate it jeep, UV Express vans, taxis, tricycles ag iba pa nga full-time ride-hailing and delivery services nationwide.
Ro kada benepisyaryo hay nakataeana nga magbaton it P6,500 nga one-time fuel subsidy
