KALIBO, Aklan—Nagpasa it sangka draft resolution si Kalibo Sangguniang Bayan member Augusto Tolentino angot sa pagtao it suporta sa panawagan it senado nga bue-on ro ginapatuman nga excise tax sa gasoline import ag iba pang produktong petrolyo.
Nakabaehag sa draft resolution ni Tolentino ro pagsuporta nga suspendihon anay ro excise tax sa tunga it padayun nga pagsipa it presyo it petrolyo sa nasyon.
Raya hay tuga gihapon it padayun nga kinagamo sa tunga it Russia ag Ukraine kung siin naapektuhan ro presyo it langis sa pangkalibutanon nga merkado.
Nagakabaeaka ro opisyal nga kung indi eagi masolusyonan ro nagatinaas nga presyo it petrolyo ag pilang baeak-eon hay base magresulta raya it grabeng problema sa mga ordinaryong pumueoyo.
Sa pihak kara, nagaeaum si Tolentino nga matapos eon ro distribusyon it fuel subsidy sa agriculture ag transport sector sa mas madali nga tyempo para insigidang magamit it mga natungdan nga benepisyaryo.
