Kalibo SB member Tolentino, plano nga hinyuon si vaccine czar Galvez nga mag-alokar it mas maabong bakuna sa probinsya it Aklan

KALIBO, Aklan—Nagdihon makarun it sangka resolusyon si Kalibo Sangguniang Bayan  Member Augosto Tolentino nga nagatuyong mag-request kay Vaccine czar Sec. Carlito Valdez nga mag-alokar it mas maabo pang suplay it bakuna para sa banwa it Kalibo ag probinsya it Aklan.

Suno kay SB Tolentino nga hasta makarun hay ginatantyang kapin sa 700 doses pa eamang it bakuna kontra covid-19 ro nabatun it banwa it Kalibo.

Kueang sigon raya para sa andang 84,000 nga populasyon.

Nasayuran nga kinahang-ean nga maabot anay ro target nga 70 percent it populasyon nga mabakunahan kontra covid-19 agud nga maabot ro gintawag nga herd immunity kung sa siin pwedi eun nga mabuksan it uman ro ekonomiya.