KALIBO, Aklan–Plano makaron ni Kalibo Sangguniang Bayan member Augusto Tolentino nga maghimo it sangka resolution para suportahan ro mga proposal nga ginaduso sa kongreso ag senado.
Partikular nga gintumod it opisyal ro ginaduso nga hagna ni Senator Bong Revilla Jr. nga panabaan ro edad it mga senior citizen halin 60 paadto it 56 para sa early availment it andang retirement.
Ginpunto ni Tolentino nga makatao raya it mabahoe nga bulig sa mga katigueangan bangud temprano pa nanda ma-enjoy ro andang diskwento sa pagabayd it bill sa kuryente ag tubi, pagbakae it bueong, grocery ukon pagkaon kamana man ro pamasahe sa transportasyon.
Sakop man sa mga ginaduso nga hagna ro pagtao it cash gift sa mga senior citizen kung siin ro naga-edad 80 anyos hay magabaton it P10,000 samtang ro naga-edad 100 anyos hay makabaton it P100,000 ag kapin sa P1 million mat-a ro makaabot it edad nga 101 years old.
