KALIBO, Aklan—Plano ni Kalibo Sangguniang Bayan member Augusto Tolentino nga magpatigayun ro lokal nga gobyerno it COVID-19 vaccine pre-registration sa mga pamatan-on nga naga-edad 12 hasta 17 anyos.
Matueopangdan nga nauna eon nga nagpasa it resolution si SB Tolentino angot sa pagbakuna it mga pamatan-on sa nasambit nga age group.
Ro tikang it opisyal hay kasunod it nagatinaas nga numero it mga pamatan-on nga ginatamaan it COVID-19 infection ag Delta variant.
Tuyo man sigon it resolution ni Tolentino nga suportahan ro ginaproponer it national government nga pagbakuna sa mga menor-de-edad.
Prayoridad sigon nga maturukan it mga bakuna sa nasambit nga age group ro may comorbidity ag mahina nga immune system agud malikawan ro pag-grabe it kondisyon.
Target sigon ni Vaccine Czar Carlito Galvez Jr. nga mabakunahan ro kapin sa 14 hasta 18 million nga pamatan-on sa bilog nga Pilipinas.
