KALIBO, Aklan–Nagdihon si Kalibo Sangguniang Bayan member Augusto Tolentino it Resolution No. 2022-0367 nga tuyo nga suportahan ro House Bill 2349 nga ginpasa sa manabang kapueongan it kongreso.
Ro nasambit nga hagna hay tuyo nga dugangan ro allowances it mga barangay official.
Nakabaehag dikara nga kapin sa P3,500 ro igadugang sa honorarium it mga Kapitan, P600 sa mga kagawad ag P2,500 nga honoraria para sa Barangay workers, tanod ag Lupong Tagapagpamayapa.
Ginpaathag ni SB Tolentino nga nagakadapat eamang nga madugangan ro sweldo it mga opisyal it barangay bangud bukon it maeumo ro andang trabaho.
Dapat sigon nga mataw-an sanda it nagakaigo nga kompensasyon sa andang adlaw-adlaw nga pagtrabaho agud nga masiguro ro kaayusan ag katawhayan sa andang nasakupan.
