KALIBO, Aklan—Uman nga ginduso ni Kalibo Sangguniang Bayan member Agosto Tolentino ro anang resolusyon kaangot sa pag-angkon it dugang nga quarantine facility.
Suno kana, may laye nga ginapatuman ro national task force against covid-19 kon sa siin ginabawaean makaron ro pagpasaidaeom sa home quarantine it mga suspected covid-19 patient agud nga malikawan ro transmission it sakit.
Bangud kara, ginahinyo nana ro lokal nga gobyerno it Kalibo nga aprubahan ro anang resolusyon nga may balor nga kapin sa P500,000 pesos agud nga makaangkon it dugang nga quarantine faciliities pinaagi sa pagpagamit it mga day care center ag iba pang bakanteng pasilidad agud nga mabawasan ro problema it gobyerno partikular sa mga naga-ueoli nga locally stranded individual ukon LSI’s.
