-- ADVERTISEMENT --
KALIBO, Aklan—Ginaduso makaron ni Sangguniang Bayan member Agosto Tolentino nga patag-uran ro ginapatuman nga curfew sa banwa it Kalibo.
Raya hay agud nga makasimba ro mga pumueoyo sa paaeabuton nga simbang gabi bilang panaad it mga katoliko kada tyempo it paskwa.
Suno kana, ginaduso kara nga ro curfew hay maga-umpisa it alas-9:00 it gabie hasta it alas-3:00 it aga-aga agud nga libreng makapanaw sa simbahan ro mga pumueoyo nga maga-umpisa sa Disyembre 15 hasta it katapusan.
May kaangtanan kara, pabor sigon ro kaparehong konsehal sa ginaduso nga proposisyon para sa kamaeayran it kadagayaan.
