KALIBO, Aklan—Magapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002 ro sangka watchman sa Kalibo slaughterhouse.
Raya hay kasunod sa drug buy-bust operation nga ginpatigayon it gintingob nga pwersa it Provincial Drug Enforcement Unit (PDEU) Aklan ag Kalibo Municipal Police Station sa may bahin it Oyo Torong St. Poblacion, Kalibo.
Ginkilaea ni Police Major Frenzy Andrade it Aklan PDEU ro suspek nga si Mark Dela Cruz ‘alyas’ Mac-Mac, 28-anyos ag residente it Brgy. New Buswang apang presenteng naga-board sa nasambit nga lugar.
Si Dela Cruz hay newly identified nga nagaduso it illegal nga droga apang ginakabig nga high value indibidwal kon sa siin narekober sa anang posisyon ag kontrol ro tatlong ka sachets it suspected shabu, P3,000 nga buy bust money ag sangka improvised tooter.
Sa makaron si Dela Cruz hay una eon sa kustudiya it pulisya para sa nagakaigong disposisyon.
