Ginaprubahan sa pangaywang pagbasa it House of Representatives ro proposisyong Kalinga Act nga tuyong padasigon ro pagsabat it gobyerno sa mga krisis kapareho it pagtaas it presyo it langis, inflation, ag epekto kara sa pagkaon, transportasyon, ag pangabuhian.
Sa idaeom it House Bill No. 9305, mataw-an ro Pangueo it gahum nga magdeklara it national energy emergency kun eumampas sa gintaeana nga lebel ro presyo it langis ukon nag-angkon it kakueangan sa suplay it krudo.
Kun gindeklara ro emergency, posibleng magpatuman it insigidang ayuda ro gobyerno kaibahan ro cash assistance, fuel subsidy, food ag transport support para sa mga kubos, trabahador, tsuper, mangunguma, mangingisda, delivery riders, ag mga maisot nga negosyo.
Nakabaehag man sa proposisyon ro posibleng temporaryong suspensyon it VAT ag excise tax sa produktong petrolyo hatsa 60 diyas para mabawasan ro epekto it mataas nga presyo sa publiko.
