Ginbuksan ro Kalye Kulinarya sa may Martelino Street bilang kaparte it selebrasyon it kapyestahan ni San Juan de Bautista kadungan sa anibersaryo it bagyong frank nga kapin sa 14 anyos eon ro nagtaliwan.
Sa mensahe nga ginpaabot ni Kalibo mayor Emerson Lachica, ginpasaeamatan nana ro Municipal Economic Enterprise and Development Office ukon MEEDO sa pag-organisa sa nasambit nga aktibidad kon siin nahimo raya it uman antes imaw magpanaog sa pwesto sa katapusan it buean it Hunyo.
Gin-abi-abi man kara ro tanan nga nagbisita sa unang gabi-e it kalye kulinarya kon siin makit-an ro mga nagkaeain-eain nga mga booth nga puno it pagkaon ag ilimnon.
May kaangtanan kara, gindagsa man it maabong tawo ro unang gabie it food park bangud nga uwa eon it restriction nga ginapatuman sa bilog nga probinsya it Aklan mag-eowas eon lang sa permi nga padumdom it health authorities nga ugalion nga magsuksok it facemask partikular sa mga matawong lugar.
Magpangayo man it pasaylo ro alkalde sa mga establishimento nga naistorbo sa gin-okupahan it kalye kulinarya.
Nasayuran nga ro kalye kulinarya sa nasambit nga lugar hay magabuhay sa sueod it tatlong gabi-e.
