-- ADVERTISEMENT --
Nakatipon it kapin sa $200 milyon dollars ag nakalista it 170,000 nga mga bag-ong volunteers sa sueod eamang it sang dominggo ro kampanya ni US Vice President Kamala Harris halin kat maging kandidato imaw sa pagkapresidente.
Madumduman nga gintapos ni US President Joe Biden ro anang re-election bid ko nagtaliwan nga dominggo ag gin-endorso si Harris para sa eleksyon sa Nobyembre 5 kontra kay dating Presidente Donald Trump.
Nasayuran sa ginpakitang datos maghalin sa mga survey sa sueod it sang dominggo nga haeos patas sanday Harris ag Trump nga nagahana it sangka hugot nga engkwentro sa nasambit nga posisyon sa nabilin nga 100 diyas antes ro eleksyon.
