—Haum ro Manabang Kapueungan it Kongreso para sa special session nga posibleng ipatawag ni Pangueong Rodrigo Duterte para masolusyunan ro padayun nga pagtinaas sa presyo it mga produktong petrolyo.
Suno kay Speaker Lord Allan Velasco, sandig sa Saligang Batas ro gahum it sangka pangueo nga magpatawag it sangka special session anumang oras.
Kahapon, nagpatigayun it pagdunog ro Fuel Crisis Ad hoc Committee it Kamara para talakayon ro mga tikang nga pagahimuon it gobyerno para makontrol ro pagsipa it presyo it langis tuga it Russia-Ukraine war.
Naistoryahan man kahapon it Ad hoc Committee ro epekto it fuel crisis sa inflation, trade ag comodity prices, agriculture, supply, demand, ag transport sector.
Nauna eon nga gin-anunsyo it gobyerno nga ginapahaum eon nanda ro release it P2.5 billion para sa subsidy program sa pamaagi it fuel vouchers nga igatao sa mga qualified members it public tranport sector, pati eon ro P500 million nga fuel discounts para sa mga mangunguma ag mangingisda.
